ឯកឧត្តម យស ផានីត្តា អនុញ្ញាតឱ្យឯកឧត្តមអគ្គនាយកព័ត៌មាន និងទំនាក់ទំនងសាធារណៈ ចូលជួបពិភាក្សាការងារ និងទទួលអនុសាសន៍
ឯកឧត្តម យស ផានីត្តា ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃព្រឹទ្ធសភា (គណៈកម្មការទី២) បានអនុញ្ញាតឱ្យឯកឧត្តម ជាម សុផលមករា អគ្គនាយក នៃអគ្គនាយកដ្ឋានព័ត៌មាន និងទំនាក់ទំនងសាធារណៈ នៃអគ្គលេខាធិការដ្ឋានព្រឹទ្ធសភា និងសហការី ចូលជួបពិភាក្សាការងារ និងទទួលអនុសាសន៍ ជុំវិញការផ្តល់សេវារបស់អគ្គនាយកដ្ឋាន និងតម្រូវការរបស់គណៈកម្មការ។
ជំនួបខាងលើនេះ ប្រព្រឹត្តទៅនៅបន្ទប់ប្រជុំគណៈកម្មការទី២ព្រឹទ្ធសភា នាព្រឹកថ្ងៃចន្ទ ៦រោច ខែផល្គុន ឆ្នាំម្សាញ់ សប្តស័ក ពុទ្ធសករាជ២៥៦៩ ត្រូវនឹងថ្ងៃទី៩ ខែមីនា ឆ្នាំ២០២៦…។
ប្រភព៖ នាយកដ្ឋានព័ត៌មាន
